វាជាថ្ងៃដែលមានពន្លឺថ្ងៃនៅក្បែរអាងហែលទឹក។ កោះភូគុក មានខ្យល់សមុទ្របក់រវិចៗធ្វើឱ្យដើមដូងរញ្ជួយនៅពីលើក្បាល។ ខណៈពេលដែលអ្នកកំពុងជ្រើសរើសរសជាតិការ៉េមជែលឡាតូ (gelato) ធ្វើដោយដៃ ក្មេងៗកំពុងលេងយ៉ាងសប្បាយរីករាយនៅលើកន្លែងរអិលទឹក ហើយដៃគូរបស់អ្នកកំពុងអានសៀវភៅលំហែកាយ។

ល្បីល្បាញដោយសារឆ្នេរសមុទ្រដ៏ស្រស់ស្អាត និងជម្រើសកម្សាន្ត ក៏ដូចជាការសម្រាកលំហែកាយដ៏សម្បូរបែបដែលកំពុងរីកចម្រើនឥតឈប់ឈរ កោះភូគុកនៅភាគខាងត្បូងប្រទេសវៀតណាម គឺជាគោលដៅដ៏ទាក់ទាញសម្រាប់ការដើរលេងកម្សាន្តជាលក្ខណៈគ្រួសារ។ ដោយចំណាយពេលត្រឹមតែ ១៥ នាទីប៉ុណ្ណោះពីព្រលានយន្តហោះ InterContinental Phu Quoc Long Beach Resort គឺជាអូអាស៊ីសនៃភាពប្រណីតលើកោះ ដែលស្ថិតនៅចំកណ្តាលសួនច្បារដ៏ស្រស់ស្អាតនៅលើឆ្នេរខ្សាច់សក្បុសនៃឆ្នេរ Long Beach។

នេះជាហេតុផលចម្បងៗមួយចំនួនដែលគ្រួសារជាច្រើនជ្រើសរើសយក InterContinental Phu Quoc សម្រាប់ការសម្រាកលំហែកាយរបស់ពួកគេ។

---

អាងហែលទឹកដ៏ស្រស់ស្អាតអស្ចារ្យ

InterContinental Phu Quoc ផ្តល់ជូនគ្រួសារនូវជម្រើសអាងហែលទឹកដ៏ស្រស់ស្អាតចំនួនបួនដើម្បីជ្រើសរើស។ មិនដឹងថាត្រូវចាប់ផ្តើមពីណា? អាងហែលទឹក Vista Pool អាចនិយាយបានថាជាកន្លែងដែលថតរូបស្អាតបំផុតនៅក្នុងរីសត។ ហ៊ុំព័ទ្ធដោយគ្រែគេងលេងដ៏ទន់ល្មើយ និងរុក្ខជាតិបៃតងប្លែកភ្នែក អាងហែលទឹកគ្មានដែនកំណត់ (infinity pool) នេះទាក់ទាញកុមារគ្រប់វ័យ ហើយជាកន្លែងដ៏ល្អឥតខ្ចោះដើម្បីចំណាយពេលពេលព្រឹកជាមួយគ្នាក្រោមពន្លឺថ្ងៃ។

ធ្វើដំណើរជាមួយកូនតូចៗមែនទេ? ភ្ញៀវតូចៗដែលពោរពេញដោយថាមពលនឹងរវល់លេងកម្សាន្តជាមួយកន្លែងរអិលទឹកដ៏មានពណ៌ស្រស់ឆើតឆាយ និងប្រដាប់ប្រដាក្មេងលេងជ័រខ្យល់នៅអាងហែលទឹក Splash! Pool។ អាងហែលទឹកដែលមានរាងសេរីនេះ គ្របដណ្តប់ដោយម្លប់ដើមចំប៉ានិងដើមដូងបក់រវិចៗ គឺជាកន្លែងដ៏ល្អឥតខ្ចោះសម្រាប់ឪពុកម្តាយក្នុងការសម្រាកលំហែកាយ ខណៈពេលដែលងាយស្រួលមើលថែកូនៗរបស់ពួកគេ។ បុគ្គលិកដែលពោរពេញដោយស្នាមញញឹមរបស់រីសតគឺតែងតែនៅក្បែរនោះជានិច្ច ដើម្បីជួយផ្តល់កន្សែងបន្ថែម ឡេការពារកម្តៅថ្ងៃ និងប្រដាប់ក្មេងលេងសម្រាប់កុមារ។

---

ក្លឹបកុមារ Planet Trekkers Kids’ Club

ចំណុចលេចធ្លោមួយសម្រាប់គ្រួសារដែលស្នាក់នៅ InterContinental Phu Quoc គឺ Planet Trekkers ដែលជាក្លឹបកុមារទំហំ ២៥០ ម៉ែត្រការ៉េរបស់រីសត។ ជាមួយនឹងបុគ្គលិកដែលជាអ្នកជំនាញថែទាំកុមារដែលបានឆ្លងកាត់ការបណ្តុះបណ្តាល Planet Trekkers ស្វាគមន៍កុមារដែលមានអាយុចាប់ពី ៤ ដល់ ១២ ឆ្នាំ ជាមួយនឹងកាលវិភាគសកម្មភាពផ្លាស់ប្តូរជាបន្តបន្ទាប់ និងសាលាបង្រៀនធ្វើម្ហូបនៅក្នុងផ្ទះដែលមានឈ្មោះថា ‘Kids Can Cook’។

ក្មេងៗនឹងរីករាយពេញមួយថ្ងៃក្នុងការរុករកតំបន់លេងប្រកបដោយភាពច្នៃប្រឌិត និងជ្រុងអានសៀវភៅរបស់ Planet Trekkers ជាមួយឪពុកម្តាយរបស់ពួកគេ។ Planet Trekkers រៀបចំសកម្មភាពប្រចាំថ្ងៃដោយឥតគិតថ្លៃដូចជា ការបង្ហោះខ្លែង ការស្វែងរកស៊ុត និងការធ្វើសិប្បកម្មពីស្លឹកដូង ដើម្បីឱ្យដៃនិងខួរក្បាលរបស់កុមាររវល់នឹងការបង្កើតថ្មី។ ឪពុកម្តាយក៏អាចប្រើប្រាស់សេវាកម្មមើលថែកូនរបស់ Planet Trekker ដើម្បីទទួលបានពេលវេលាផ្ទាល់ខ្លួនខ្លះៗផងដែរ។

គន្លឹះ៖ The Hideout នៅក្នុងអគារសំខាន់របស់រីសត គឺពោរពេញទៅដោយហ្គេមក្តារ (board games) ភាពយន្ត កុំព្យូទ័រ តុប៊ីយ៉ា និងសៀវភៅ ដែលស័ក្តិសមបំផុតសម្រាប់កុមារធំៗ និងយុវវ័យ។

---

បន្ទប់មើលឃើញទិដ្ឋភាពសមុទ្រ

រចនាឡើងដោយគិតគូរពីភាពរីករាយ បន្ទប់ធម្មតានិងបន្ទប់ឈុត (suites) នៅ InterContinental Phu Quoc ត្រូវបានរៀបចំឡើងដើម្បីទទួលបានអត្ថប្រយោជន៍អតិបរមាពីបរិយាកាសកោះដ៏ស្រស់ត្រកាល។ កន្លែងស្នាក់នៅនីមួយៗមានគ្រែគេងដ៏ប្រណីត អាងងូតទឹកដ៏ជ្រៅ និងផ្កាឈូកទឹកភ្លៀង ព្រមទាំងការតុបតែងលម្អយ៉ាងប្រណីតដែលបំផុសគំនិតដោយជីវភាពរស់នៅរបស់ប្រជាជនក្នុងតំបន់នៅលើកោះភូគុក។

រៀបចំឡើងយ៉ាងល្អឥតខ្ចោះសម្រាប់ឪពុកម្តាយដែលធ្វើដំណើរជាមួយកូនៗ បន្ទប់ឈុត Family Suite ទំហំ ១៥៨ ម៉ែត្រការ៉េ មើលទៅឃើញសួនច្បារដ៏ស្រស់ស្អាត និងងាយស្រួលទៅកាន់ក្លឹបកុមារ និងអាងហែលទឹក Splash! Pool។ បន្ទប់ឈុតនេះមានបន្ទប់គេងគ្រែធំមួយ (king) និងបន្ទប់គេងគ្រែពីរមួយ (twin) ព្រមទាំងបន្ទប់ទទួលភ្ញៀវធំទូលាយ និងយ៉រឯកជនដែលសមាជិកគ្រប់គ្នាអាចជួបជុំគ្នាបាន។ នៅក្នុងបន្ទប់ឈុត Club Panoramic Suite ទ្វារកញ្ចក់ពីបាតដល់ពិដានអាចរំកិលបើកដើម្បីបង្ហាញពីវេរ៉ង់ដាក្រៅផ្ទះដ៏ធំទូលាយ ដែលបំពាក់ដោយកៅអីសម្រាក Cabana ដ៏ទន់ល្មើយ និងទិដ្ឋភាពសមុទ្រដ៏ធំល្វឹងល្វើយ។

គន្លឹះ៖ គ្រួសារដែលមានសមាជិកច្រើន ឬអ្នកដែលស្វែងរកភាពឯកជនបន្ថែមទៀត អាចកក់បន្ទប់ប្រភេទ Club InterContinental Beachfront Villas ដែលមានចាប់ពីពីរទៅបួនបន្ទប់គេង។

---

ការទទួលទានអាហារដ៏មានឱជារស

នៅពេលដល់ពេលទទួលទានអាហារ ភោជនីយដ្ឋាន និងបារទាំងប្រាំមួយរបស់ InterContinental Phu Quoc ផ្តល់ជូននូវរសជាតិដ៏ឈ្ងុយឆ្ងាញ់ពីជុំវិញពិភពលោក។ រៀងរាល់ព្រឹក អាហារប៊ូហ្វេអន្តរជាតិត្រូវបានរៀបចំឡើងនៅក្នុងភោជនីយដ្ឋាន Sora & Umi Restaurant ជាមួយនឹងជម្រើសរាប់មិនអស់ដើម្បីបំពេញចិត្តសមាជិកគ្រួសារគ្រប់រូប។ អង្គុយនៅតុខាងក្រៅដើម្បីរីករាយជាមួយអាហារពេលព្រឹកដ៏ឆ្ងាញ់ពិសាក្នុងខ្យល់អាកាសបរិសុទ្ធពេលព្រឹក។

នៅកន្លែងផ្សេងទៀតនៅក្នុងរីសត គ្រួសារអាចទទួលទានគ្រឿងសមុទ្រស្រស់ៗនៅភោជនីយដ្ឋាន Sea Shack Restaurant ដ៏ស្រស់ស្រាយ ភ្លក្សរសជាតិម្ហូបប្រពៃណីវៀតណាមដូចជា ត្រីស្ពិនចំហុយស្លឹកចេក និងមីស៊ួរឆាក្ដាមនៅ Sora & Umi ឬញ៉ាំភីហ្សានិងប៉ាស្តាអ៊ីតាលីនៅភោជនីយដ្ឋាន Ombra Restaurant ក្បែរអាងហែលទឹក Oasis Pool។ គោលការណ៍ ‘ក្មេងៗញ៉ាំមិនគិតថ្លៃ’ (kids eat free) របស់រីសតអនុញ្ញាតឱ្យកុមារអាយុក្រោម ១២ ឆ្នាំដែលទទួលទានអាហារជាមួយឪពុកម្តាយអាចជ្រើសរើសអាហារឥតគិតថ្លៃផ្ទាល់ខ្លួនរបស់ពួកគេពីបញ្ជីមុខម្ហូបពិសេសសម្រាប់កុមារ។

---

សកម្មភាពនៅក្នុងរីសត

ជាមួយនឹងទីធ្លាដ៏គួរឱ្យចាប់អារម្មណ៍សម្រាប់ការរុករក កុំភ្លេចចំណាយពេលសម្រាកលំហែកាយនៅលើឆ្នេរ Long Beach ដែលជាឆ្នេរដ៏ស្រស់ស្អាតបំផុតមួយរបស់វៀតណាម។ អ្នកចូលចិត្តផ្សងព្រេងអាចជិះទូកកាយ៉ាក ឬសាកល្បងលេងក្តារបន្ទះឈរអុំ (paddleboards)។ ត្រលប់មកលើគោកវិញ នាំក្រុមគ្រួសារលេងបាល់ទាត់លើឆ្នេរខ្សាច់ ឬកក់ដំណើរទេសចរណ៍លើកោះដើម្បីរុករកចម្ការម្រេច និងកសិដ្ឋានចិញ្ចឹមខ្ចៅយកគុជរបស់កោះភូគុក។

ជាការពិតណាស់ ឪពុកម្តាយក៏សមនឹងទទួលបានការសម្រាកលំហែកាយផងដែរ។ ម្ដាយដែលរវល់អាចបញ្ចូលថាមពលឡើងវិញជាមួយនឹងវគ្គហាត់យ៉ូហ្គាប្រចាំថ្ងៃនៅលើឆ្នេរខ្សាច់ ខណៈពេលដែលឪពុកអាចទៅហាត់ប្រាណនៅមជ្ឈមណ្ឌលហាត់ប្រាណទំនើបបើក ២៤ ម៉ោងរបស់រីសត។ សម្រាប់ការសម្រាកលំហែកាយកាន់តែស៊ីជម្រៅ សូមកក់សេវាកម្មព្យាបាលនៅ HARNN Heritage Spa។ ស្ថិតនៅលើបឹងដ៏ស្ងប់ស្ងាត់ ស្ប៉ានេះសន្យាថានឹងធ្វើឱ្យអ្នកមានភាពស្រស់ថ្លាឡើងវិញជាមួយនឹងការម៉ាស្សាដោយបំពង់ឫស្សី ការខាត់ស្បែកបំប៉ន និងការថែរក្សាស្បែកមុខកម្រិតខ្ពស់។ នៅពេលអ្នករួចរាល់ សូមនាំក្រុមគ្រួសារទាំងមូលទៅជិះទូកល្អី (basket boat) នៅពេលថ្ងៃលិច ដែលជាអនុស្សាវរីយ៍មិនអាចបំភ្លេចបានពីកោះភូគុកដ៏ស្រស់ស្អាត។

---

កញ្ចប់សេវាកម្ម ‘Family Fun in Phu Quoc’

 

ដើម្បីកក់ ឬសម្រាប់ព័ត៌មានលម្អិតបន្ថែម សូមចូលទៅកាន់ គេហទំព័រផ្លូវការរបស់ InterContinental Phu Quoc.

---